ᓄᓇᓕᒃᐳᑦ ᐃᑲᔪᖅᓱᐃᕗᑦ
ᓄᑕᕋᒃᓴᑲᖅᑐᓂᒃ ᐃᓅᑦᑎᐊᖅᑐᓂᒃ

 

---

• ᓄᑕᕋᒃᓴᖃᓂᖕᓄᑦ ᐸᕐᓇᕐᐸᓪᓕᐊᓂᖅ
• ᓯᖓᐃᔪᖅ ᐊᒻᒪ ᓱᐳᖅᑐᖅᐸᖓᓂ
• ᓄᑕᕋᒃᓴᑲᖅᑐᑦ ᐊᒻᒪᓗ ᑭᖑᑎᒥᖕᓂᒃ ᑲᒪᑦᑎᐊᕐᓂᖅ
• ᓯᖓᐃᔪᖅ ᐃᒥᐊᓗᒃᐸᖓᓂ!
• ᓂᕿᑦᑎᐊᕙᖕᓂᒃ ᓂᕿᖃᓂᖅ

---

ᓄᑕᕋᒃᓴᖃᓂᖕᓄᑦ ᐸᕐᓇᕐᐸᓪᓕᐊᓂᖅ

ᓯᖓᐃᓂᖅ ᐃᓚᒌᓄᑦ, ᐃᓕᖕᓄᑦ, ᓄᓇᓕᖕᓄᑦ ᑯᕕᐊᓇᖅᐳᖅ.

ᐸᕐᓇᑦᓯᒪᒍᕕᑦ. ᐃᓅᓰᑦ ᐋᖅᑭᒋᐊᖅᑲᓪᓗᒍ ᓯᖓᐃᓕᕐᓂᐊᕐᓗᑎᑦ ᐊᑲᐅᕗᖅ.

ᐱᓕᒻᒪᒃᓴᕈᓐᓇᖅᐳᑎᑦ ᐋᖅᑭᐅᓂᑎᒃ ᐃᒪᓐᓇ:

• ᖃᐅᑕᒪᖅᓯᐅᑎᓂᒃ ᐊᐆᖃᑦᑎᐊᕐᓇᖅᑐᓂᒃ ᐄᔮᖓᕆᑦ, ᓄᖃᕼᒃᓴᓄᑦ ᐸᕐᓇᒃᑯᕕᑦ.
• ᑲᓇᑕᐅᑉ ᓂᕿᑦᑎᐊᕙᖕᓄᑦ ᒪᓕᒐᖏᓐᓂᑦ ᑎᓴᒪᓂᑦ ᓂᕆᑦᑕᕆᑦ.
• ᓄᖅᑲᖓᑐᐃᓐᓇᓐᖏᓪᓗᑎᑦ.
• ᓱᐳᖅᑐᕐᓂᖅ ᑲᑦᑐᕆᐊᕈᒃ ᓄᖅᑲᓪᓗᒍᓘᓐᓃᑦ.
• ᐃᒥᐊᓗᒃ ᐊᒻᒪ ᐋᖓᔮᕐᓇᖅᑐᑦ ᐊᑐᓐᖏᓪᓗᖏᑦ.
• ᐊᓐᓂᐊᓯᐅᖅᑎᒥᑦᖃᐅᔨᒋᐊᕈᒃᐄᔭᖓᑦᐃᖢᐊᖅᓴᐃᔨᓂᑦᑐᓂᔭ ᐅᓐᖏᑦᑐᑦ ᖃᓄᖅ ᐱᔭᕆᐊᖃᕆᐊᖏᓐᓂᒃ.

ᖃᖓ ᓯᖓᐃᓕᕐᓂᐊᕐᓃᑦ ᓇᖕᒥᓂᖅ ᐸᕐᓇᒃᑯᖕᓂᐅᒃ ᐋᖅᑭᐅᒪᔪᓐᓇᖅᐳᑎᑦ ᖃᖓ ᐊᑲᐅᓛᖑᕙ ᓯᖓᐃᓕᕈᕕᑦ, ᐃᓅᓰᑦ ᐋᖅᑭᐅᒪᑦᑎᐊᓕᖅᐸᑦ.
ᐃᑲᔪᖅᑎᐅᔪᓐᓇᖅᑐᑦ ᐱᓕᕆᖃᑎᒋᔪᓐᓇᕆᕙᑎᑦ ᐃᓕᖕᓄᑦ ᐊᒻᒪ ᓄᑕᕋᒃᓴᕐᓄᑦ ᐊᑐᑦᑎᐊᕆᐊᑲᖅᑐᓂᒃ, ᐃᑲᔪᖅᑕᐅᔭᕆᐊᖃᕈᕕᑦ.

ᓄᑕᕋᒃᓴᖃᓂᐅᑉ ᒪᒃᓵᓄᑦ ᖃᐅᔨᒋᐊᒃᑲᓐᓂᕈᓐᓇᖅᐳᑎᑦ ᐋᓐᓂᐊᓯᐅᖅᑎᒥᑦ.

ᓄᑕᖅᑲᑦ ᐃᓄᐃᑦ ᓄᓇᓕᖏᓐᓂ ᐱᒻᒪᕆᒋᔭᐅᕗᑦ ᐊᒻᒪ ᐃᓅᓴᖅᑐᑦ ᑐᓐᖓᓱᒃᑎᑕᐅᕗᑦ, ᐊᒻᒪᓗ ᖁᕕᐊᒋᔭᐅᕗᑦ.

ᓄᓇᑲᖅᑐᑦ ᑕᒪᕐᒥᒃ ᓄᓇᓕᖕᓂ ᐃᑲᔪᕐᓂᖃᕈᓐᓇᖅᐳᑦ ᐊᕐᓇᐅᑉ ᓄᑕᕋᒃᓴᑲᖅᑑᑉ ᐃᓅᓯᖓᓂ. ᐊᒻᒪᓗ ᐃᕐᓂᓗᓂ ᓄᑕᕋᓛᖓᑕ ᐃᓅᓯᖅᑕᖓᓂ ᐃᓅᓯᓕᒪᖓᓂ ᐃᑲᔪᖅᑕᐅᔪᓐᓇᖅᑐᖅ ᓄᓇᑲᖅᑐᓂᑦ.

ᐃᓐᓇᐃᑦ ᐅᖃᐅᓯᖏᑦ ᐃᓅᓯᖕᒧᑦ ᐋᖅᑭᐅᒪᓐᔪᑏᑦ ᐊᑐᑦᑎᐊᒐᒃᓴᐅᔪᑦ ᐊᒻᒪᓗ ᐃᓚᒌᑦ, ᐱᖃᓐᓇᕆᑦ ᐃᑲᔪᕈᓐᓇᖅᐳᑦ ᓄᑕᕋᒃᓴᑲᖅᑐᒥᒃ, ᐃᓅᓯᕐᒥᓂᑦ ᐋᖅᑭᑦᓯᒪᓇᓱᐊᖅᑐᒥᒃ.

ᓄᑕᕋᒃᓴᖃᓂᖕᓄᑦ ᐸᕐᓇᕐᐸᓪᓕᐊᓂᖅ   ᓄᑕᖅᑲᑦ ᐊᓐᓂᕐᓇᖅᐳᑦ, ᑕᒪᑦᑕ ᓄᑕᖅᑲᓂᒃ ᐅᖑᒪᔭᕆᐊᑲᖅᐳᒍᑦ ᓄᓇᓕᐅᔪᑎᒍᑦ, ᐊᑦᑕᕐᓇᓐᖏᑦᑐᒥ ᐋᓐᓂᐊᕐᓇᓐᖏᑦᑐᒥ ᐃᓅᓯᑲᖅᑎᒋᐊᕐᓗᖏᑦ.

---

ᓯᖓᐃᔪᖅ ᐊᒻᒪ ᓱᐳᖅᑐᖅᐸᖓᓂ

ᓱᐳᖅᑐᖅᐸᖕᓂᖅ ᓯᖓᐃᓕᕈᕕᑦ ᓄᖅᑲᕆᐊᕈᓐᓂ ᐅᑯᐊ ᐊᑐᕈᓐᓇᖅᐸᑎᑦ :

• ᓄᖅᑲᕆᑦ, ᖃᑦᑐᕆᐊᕆᑦ ᓯᒡᒐᓕᐊᒧᑦ.
• ᓱᐳᖅᑐᕐᕕᐅᕙᒃᑐᑦ ᐳᔫᖅᑐᑦ ᐅᐸᒃᐸᓐᖏᓪᓗᖏᑦ.
• ᐊᖏᕐᕋᐃᑦ ᓱᐳᖅᑐᕐᕕᐅᕙᒍᓐᓂᕐᓗᓂ, ᐊᐃᑉᐸᐃᑦ, ᐃᒡᓗᖃᑎᑎᑦ, ᐃᓚᑎᑦ ᓯᓚᒥ ᓯᒡᒐᓕᐊᖅᑐᖅᐸᓕᕐᓗᑎᒃ.

ᓄᖅᑲᕆᐊᒃᓴᖅ ᐊᔪᕐᓇᓐᖏᓐᓂᖅᓴᐅᕗᖅ ᐃᓚᑎᑦ ᓯᓚᒥ ᓱᐳᖅᑯᖅᐸᒃᐸᑕ ᐅᕝᕙᓘᓐᓃᑦ ᓇᖕᒥᓂᖅ ᓄᖅᑲᖅᐸᑕ.

ᐅᑯᐊ ᐊᓯᖏᑦ ᐊᑐᕈᓐᓇᖅᑐᑦ:

• ᓄᖅᑲᖅᓯᒪᔪᑦ ᓯᒡᒐᓕᐊᒧᑦ ᐅᖃᖃᑎᒋᒃᑭᑦ ᖃᓄᖅ ᐃᑲᔪᖅᑕᐅᔪᓐᓇᕆᐊᕐᓂᑦ.
• ᐅᓪᓗᖅ ᓯᒡᒐᓕᐊᒧᑦ ᓄᖅᑲᕕᒃᓴᑦ ᓂᕈᐊᕈᑦ. ᐅᓪᓗᖅ ᑎᑭᑉᐸᑦ ᓯᒡᒐᓕᐊᑎᑦ ᐃᖏᒃᑭᑦ.
• ᐅᓪᓗᕆᔭᕐᓂ ᓱᐳᖅᑐᕐᕕᒋᔭᒃᑕᑎᑦ ᐱᓕᕆᕝᕆᖏᓗᖏᑦ ᐊᓯᐊᓄᑦ, ᐅᓚᕕᓴᕐᓗᑎᑦ.
• ᓱᐳᖅᑐᕈᓕᕈᕕᑦ, ᑕᒨᐊᔭᖓᕆᑦ, ᑭᖑᑎᓯᐅᕆᑦ, ᐱᓱᔪᖏᑦ, ᓂᕿᑦᑎᐊᕙᖕᓂᒃ ᓂᕆᒋᑦ ᐅᕝᕙᓘᓐᓃᑦ ᐱᖃᑎᖕᓄᑦ ᐅᖃᓗᖏᑦ.
• ᖃᐅᑕᒪᑦ ᓯᒡᒐᓕᐊᖅᑐᖅᑕᑎᑦ ᖃᑦᑐᕆᐊᒃᑭᑦ ᐊᒻᒪ ᐅᓄᓐᖏᓐᓂᖅᓴᐅᒋᐊᒃᑭᑦ.
• ᐃᓚᑎᑦ, ᐊᐃᑉᐸᐃᑦ, ᐱᖃᑎᑎᑦ ᖃᐅᔨᒪᑎᒃᑭᑦ ᖃᓄᖅ ᐊᒃᓱᕈᕐᓂᖕᓂᒃ, ᐃᒻᒥᖕᓂᒃ ᓄᖅᑲᕆᐊᕈᓐᓇᕆᕗᑦ ᐃᑲᔪᖅᑐᑦ.

ᓄᖅᑲᕈᒪᒍᕕᑦ ᓱᐳᖅᑐᕐᓂᖕᒧᑦ ᐅᕝᕙᓘᓐᓃᑦ ᖃᑦᑐᕆᐊᕈᒪᒍᕕᑦ ᐋᓐᓂᐊᓯᐅᖅᑎᒧᑦ ᐅᖃᓪᓚᖏᑦ.

ᓱᐳᖅᑐᖅᐸᕐᓂᖅ ᓄᖅᑲᐅᑎᒍᓐᓂ ᐱᐅᓚᖅ ᐃᓕᖕᓄᑦ ᐊᒻᒪ ᓄᑕᕋᕐᓄᑦ, ᓯᖓᐃᓕᕈᕕᑦ ᐊᒻᒪ ᐃᓅᓯᒪᓕᖅᑎᓪᓗᒍ ᓄᑕᕋᖅ.

ᓯᖓᐃᓗᑎᒃ ᓱᐳᖅᑯᖅᐸᒃᑯᕕᑦ ᓯᖓᐃᒋᔭᖕᓄᑦ ᐊᓂᖅᑎᒋᔭᖓᓄᑦ ᐃᓄᖅᓴᖅᐳᖅ ᐊᒻᒪᓗ ᓂᕿᖏᓐᓄᑦ ᐃᓄᖅᓴᐅᑎᐅᕗᖅ. ᓄᑕᕋᒃᓴᖅ ᐱᕈᑦᑎᐊᔾᔭᐊᓐᖏᑦᑐᖅ ᐊᒻᒪ ᐋᓐᓂᐊᕋᔪᖕᓂᖅᓴᐅᓂᐊᖅᑐᖅ, ᓯᐅᓯᕆᑦᑕᕐᓗᓂ, ᓄᕙᒃᓴᕋᐃᓪᓗᓂ, ᐊᒻᒪᓗ ᓯᓂᓪᓗᓂ ᑐᐸᓐᖏᓐᓇᕈᓐᓇᖅᐳᖅ, ᑐᖁᓗᓂ.

ᓄᑕᕋᐅᑉ ᐊᓂᖅᑎᕆᔭᖓ ᓱᐳᖅᑐᖅᐸᒃᑐᓂᑦ ᓱᕈᖅᑕ - ᐅᔪᓐᓇᖅᐳᖅ, ᐊᒻᒪᓗ ᐃᓕᖕᓄᑦ ᐱᐅᓐᖏᑉᐳᖅ.

ᓯᖓᐃᔪᖅ ᐊᒻᒪ ᓱᐳᖅᑐᖅᐸᖓᓂ  ᓯᒡᒐᓕᐊᖅᑐᖅᐸᒃᑐᓂ ᐃᓂᒋᔭᖅᓯ ᐊᑐᖅᑕᐅᓐᖏᑉᐸᑦ ᓄᑕᕋᕐᓄᑦ ᐱᕈᖅᐸᓪᓕᐊᔪᒧᑦ ᐊᒻᒪᓗ ᐃᓕᖕᓄᑦ ᐱᐅᓂᖅᓴᐅᕗᖅ.

---

ᓄᑕᕋᒃᓴᑲᖅᑐᑦ ᐊᒻᒪᓗ ᑭᖑᑎᒥᖕᓂᒃ ᑲᒪᑦᑎᐊᕐᓂᖅ

ᓯᖓᐃᓗᑎᑦ ᑭᖑᑎᑎᑦ ᐊᒻᒪ ᖃᓃᑦ ᑲᒪᒋᑦᑎᐊᕆᐊᑲᖅᐸᑎᑦ, ᐅᑯᐊ ᐊᑐᕈᓐᓇᖅᐳᑦ:

• ᐅᓪᓗᖅ ᒪᕐᕈᐃᓗᐊᕐᓗᒍ ᐊᑭᑦᑐᒧᑦ ᑭᖑᑎᓯᐅᑎᒧᑦ ᑭᖑᑎᓯᐅᖅᐸᖏᑦ ᐊᒻᒪ ᑭᖑᑎᓯᐅᑎ ᓴᐅᓂᖕᒧᑦ ᓴᓐᖏᓐᓇᖅᑐᒥᒃ ᐃᓚᑲᖅᑐᖅ ᐊᑐᕈᒃ ᐊᒻᒪᓗ ᑯᒃᑮᔭᖅᐸᖏᑦ.
• ᓂᕿᑦᑎᐊᕙᖕᓂᒃ ᓂᕆᕙᖏᑦ, ᑭᖑᑎᑎᑦ ᐊᒻᒪ ᖃᓃᑦ ᓴᓐᖏᓂᐊᒃᕐᒪᑕ,
• ᑭᖑᑎᓕᕆᔨ ᑕᖁᓵᓕᕙᒍᒃ ᐊᒻᒪ ᑭᖑᑎᑎᑦ ᓴᓗᒻᒪᖅᓴᖅᑕᐅᓕᑦ.

ᐅᓪᓚᒃᑯᑦ ᒥᕆᐊᖅᓴᕈᕕᑦ. 30ᒥᓂᒥᒃ ᐅᑕᖅᑭᖏᑦ ᑭᖑᑎᓯᐅᓐᖏᓪᓗᑎᒃ, ᐃᒪᕐᒧᑦ ᐃᕐᕈᖅᑐᑐᐃᓐᓇᕈᒃ ᖃᓃᑦ, ᐅᐊᑦᑎᐊᕈ ᑭᖑᑎᓯᐅᕐᓂᐊᕐᓗᑎᑦ.

ᓯᖓᐃᓗᑎᑦ ᖃᓃᑦ ᐊᐆᒃᐸᒃᐸᑦ, ᖃᐅᔨᒪᖏᑦ ᑎᒦᑦ ᐊᓯᔾᔨᖅᐸᓪᓕᐊᓕᕋᒥ ᓯᖓᐃᓂᖕᓄᑦ ᑖᒫᑉᐳᖅ. ᐊᐆᒃᑕᖅᐸᑦ ᓂᕿᖓ ᖃᓂᖅᐱᑦ ᐊᑭᖅᑐᒧᑦ ᑭᖑᑎᓯᐅᑎᒧᑦ ᐊᒃᓴᓗᑭᑕᕈᒃ.

ᐊᐱᖅᑯᑎᒃᓴᖃᐅᕈᕕᑦ ᑭᖑᑎᕕᑦ ᐊᒻᒪ ᖃᓂᖅᐱᒃ ᒥᒃᓵᓄᑦ, ᐋᓐᓂᐊᓯᐅᖅᑎᒧᑦ ᑭᖑᑎᓕᕆᔨᒧᑦ ᐅᖃᓪᓚᖏᑦ.

ᑭᖑᑎᓕᕆᔨᒧᑦ ᐅᐸᒃᑯᕕᑦ ᓯᖓᐃᓕᓵᕈᕕᑦ, ᖃᓄᐃᓐᖏᓐᓂᕐᒧᑦ ᐊᑐᖅᑐᖅ ᓯᖓᐃᓪᓗᑎᑦ.

ᑭᖑᑎᖕᓂᒃ ᑲᒪᑦᑎᐊᕐᓂᖅ, ᑭᖑᑎᖕᓄᑦ ᐊᒻᒪ ᖃᓂᖅᐱᑦ ᓂᕿᖓᓄᑦ ᓯᖓᐃᓂᖕᓂ ᓱᕋᒃᓴᕋᐃᓐᓇᖅᑐᖅ ᐃᓱᒪᒋᓗᒍ.

ᓄᑕᕋᒃᓴᑲᖅᑐᑦ ᐊᒻᒪᓗ ᑭᖑᑎᒥᖕᓂᒃ ᑲᒪᑦᑎᐊᕐᓂᖅ  ᑭᖑᑎᖕᓄᑦ ᐊᒻᒪ ᖃᓂᖅᐱᑦ ᓂᕿᖓᓄᑦ ᑲᒪᑦᑎᐊᕐᓂᖅ, ᐃᑲᔪᖅᐳᖅ ᓄᑕᕋᒃᓴᖅ ᐃᓅᓪᓗᓂ ᐅᕝᕙᓘᓐᓃᑦ ᐅᑭᓗᐊᕐᓗᓂ ᐃᓅᔪᓐᓇᖅᑐᖅ ᑭᖑᑎᑎᑦ ᐊᒻᒪ ᖃᓃᑦ ᐱᐅᓐᖏᑉᐸᑕ.

---

ᓯᖓᐃᔪᖅ ᐃᒥᐊᓗᒃᐸᖓᓂ!

ᓯᖓᐃᓗᓂ ᐃᒥᐊᓗᒃ ᖃᖓᑐᐃᓐᓇᖅ ᐱᐅᓐᖏᒃᐳᖅ, ᒥᑭᒃᑲᓗᐊᕈᓂ ᐃᒥᖅᑕᑦ ᓱᓕ ᐱᐅᓐᖏᕐᐳᖅ. ᐊᑕᐅᓯᖅ ᐃᒥᖅᑕᑦ ᐱᐅᓐᖏᑉᐳᖅ!

ᓄᑕᖅᑲᑦ ᓯᖓᐃᔪᓂᑦ ᐃᒥᖅᐸᒃᑐᓂᑦ ᓯᖓᐃᖑᔪᑦ ᐃᒥᐊᓗᖕᒥᑦ ᐊᒃᑐᖅᑕᐅᔪᑦ, ᖃᕋᓴᖏᑦ ᐊᒃᑐᖅᑕᐅᕗᑦ, ᐃᓅᓯᓕᒫᖓᓄᑦ ᓱᕋᖅᑕᐅᕙᒃᐳᑦ.

ᓯᖓᐃᓇᓱᐊᕈᕕᑦ, ᓯᖓᐃᓕᕈᕕᓪᓘᓐᓃᑦ ᐃᒥᐊᓗᖕᓄᑦ ᓄᖅᑲᕈᕕᑦ, ᐊᑲᐅᕗᖅ.

ᐃᒥᐊᓗᖕᓂᒃ ᐅᖃᐅᓯᑲᖅᐳᒍᑦ ᑕᒫᓐᓂᒃ, ᕕᐊ, ᐅᐊᐃᓂ, ᐃᓚᓯᒪᔪᑦ ᐊᒻᒪᓗ ᓴᓐᖏᔪᑦ.

ᓯᖓᐃᓕᕈᕕᑦ ᐃᒥᐊᓗᖕᒧᑦ ᓄᖅᑲᖅᓵᓕᒍᕕᑦ ᐱᐅᓚᖅ, ᐃᓕᖕᓄᑦ ᐊᒻᒪ ᓄᑕᕋᒃᓴᕐᓄᑦ. ᓯᖓᐃᓕᓚᐅᕐᓇᑎᑦ ᓄᖅᑲᕈᕕᑦ ᐱᐅᓂᖅᓴᐅᒋᕗᖅ.

ᓯᖓᐃᔪᑦ ᐃᓚᖏᑦ ᐃᒥᐊᓗᖕᒧᑦ ᓄᖅᑲᕆᐊᒃᓴᖅ ᐊᔪᖅᓯᓯᒪᕙᒃᐳᑦ. ᑕᓐᓇ ᐊᔪᖅᓯᓯᒪᒍᓐᓂ ᐃᒥᐊᓗᒃ ᓄᖅᑲᐅᑎᒋᔭᕆᐊᒃᓴᖅ, ᐋᓐᓂᐊᓯᐅᖅᑎᒧᑦ ᐅᖃᓪᓚᖏᑦ, ᖃᓄᖅ ᐃᑲᔪᖅᑕᐅᔪᓐᓇᕆᐊᒃᓴᕐᓂᒃ ᖃᐅᔨᒋᐊᕐᓗᑎᑦ.

'ᐃᒥᐊᓘᑉ ᒥᒃᓵᓄᑦ ᐅᖃᓪᓚᖏᑦ ᐋᓐᓂᐊᓯᐅᖅᑎᒧᑦ, ᓂᕿᑦ ᐃᑲᔪᖅᑕᐅᔪᓐᓇᕆᐊᒃᓴᖕᓂᒃ ᓄᖅᑲᕆᐊᕈᕕᑦ ᑐᑭᓯᒋᐊᕐᓗᑎᑦ.

ᓯᖓᐃᔪᖅ ᐋᖓᔮᕐᓇᖅᑐᓂᒃ ᐊᑐᕋᓂ!

ᓯᖓᐃᓗᓂ ᐋᖓᔮᕐᓇᖅᑐᓂᒃ ᐊᑐᕐᓂᖅ ᖃᖓᑐᐃᓐᓇᖅ ᐱᐅᓐᖏᒃᐳᖅ, ᐃᓚᖏᑦ ᐄᔭᖓᑦ ᐊᑐᕆᐊᑲᓐᖏᒃᑭᕗᑦ.

ᐋᓐᓂᐊᓯᐅᖅᑎ ᖃᐅᔨᒋᐊᕐᕕᒋᔪᓐᓇᖅᐸᑦ ᐄᔭᖓᑦ ᐊᒻᒪ ᓂᐅᕕᖅᑕᐅᕙᑦᑐᑦ ᐄᔭᖓᑦ ᖃᓄᖅ ᐱᔭᕆᐊᖃᕆᐊᖏᓐᓂᒃ ᓯᖓᐃᓗᓂ.

ᐊᕐᓇᑦ ᐅᓄᖅᑐᑦ ᓯᖓᐃᓕᖅᑐᑦ ᐃᓱᒫᓗᒃᐸᒃᐳᑦ ᐋᖓᔮᕐᓇᖅᑐᑦ ᖃᓄᖅ ᓄᑕᕋᒃᓴᒥᖕᓄᑦ ᐊᒃᑐᐃᓂᐊᕆᐊᖏᓐᓂᒃ, ᐃᓱᒫᓗᒋᐊᖃᕋᒥᒃ ᐃᓱᒫᓗᒃᐳᑦ. ᐋᖓᔮᕐᓇᖅᑐᓂᒃ ᐊᑐᖅᑐᑦ ᓄᑕᕋᒥᖕᓂᒃ ᑲᒪᑦᑎᐊᕆᐊᒃᓴᖅ ᐃᓱᒪᓗᐊᓐᖏᑦᑐᑦ, ᐃᓱᒫᓗᒃᑯᑎᒃ ᓱᓕᕗᖅ. ᐋᖓᔮᕐᓇᖅᑐᑦ ᓱᕋᒃᓴᐃᕗᑦ ᓄᑕᕋᒃᓴᓂᒃ ᐊᒻᒪ ᐊᓈᓇᐅᔪᓂᒃ.

ᐋᖓᔮᕐᓇᖅᑐᑦ ᐃᑲᔪᖅᑕᐅᓇᓂ ᓄᖅᑲᐅᑎᒋᐊᒃᓴᖅ ᐊᔪᕐᓇᖅᐳᑦ. ᐊᕐᓇᐅᑉ ᐋᖓᔮᕐᓇᖅᑐᓄᑦ ᓵᔾᔪᑎᖏᑦ ᓱᓕ ᐃᓅᓯᖓᓂ ᐊᒡᕕᐊᕈᑕᐅᖏᓐᓇᕈᓐᓇᖅᐳᑦ, ᐲᔭᖅᓯᒪᓐᖏᒃᑯᑎᒃ. ᐊᐃᑉᐸᖓ ᐊᒻᒪ ᐱᖃᑎᖏᑦ ᓄᖅᑲᐅᒪᓐᖏᑉᐸᑕ ᐊᔪᕐᓇᒃᑲᓐᓂᕆᕗᖅ.

ᐋᖓᔮᕐᓇᖅᑐᑦ ᒥᒃᓵᓄᑦ ᐅᖃᓪᓚᖏᑦ ᐋᓐᓂᐊᓯᐅᖅᑎᒧᑦ, ᖃᓄᖅ ᐃᑲᔪᖅᑕᐅᔪᓐᓇᕆᐊᒃᓴᖕᓂᒃ ᓄᖅᑲᕆᐊᕈᕕᑦ ᐋᖓᔮᕐᓇᖅᑐᒧᑦ ᑐᑭᓯᒋᐊᕐᓗᑎᑦ.

ᐃᒥᐊᓗᖕᒥᒃ ᓄᖅᑲᕆᐊᖅᖢᓂ ᐊᔪᓐᓇᓐᖏᓐᓂᖅᓴᖅ ᐃᓅᖃᑎᑎᑦ ᐃᒥᓗᐊᕈᓐᓂᖅᐸᑕ ᐅᕝᕙᓘᓐᓃᑦ ᓄᖅᑲᖅᐸᑕ. ᐊᐃᑉᐸᐃᑦ, ᐃᓚᑎᑦ ᐊᒻᒪ ᐱᖃᑎᑎᑦ ᐅᖃᓪᓚᖃᑎᒋᒃᑭᑦ ᐃᒥᐊᓗᖕᒥᒃ ᐊᑐᓐᖏᓐᓂᖅᓴᐅᓗᑎᒃ ᖃᓄᖅ ᖁᕕᐊᓇᖅᑐᒥᒃ ᐊᑐᕐᓂᖅᓴᐅᔪᓐᓇᕆᐊᖏᑦ, ᓄᓇᓕᖕᓂ ᖃᓄᐃᓕᐅᖅᑐᓂ.

ᓯᖓᐃᓗᓂ ᐃᒥᐊᓗᖕᒥᒃ ᐊᒻᒪ ᐋᖓᔭᐊᕐᓇᖅᑐᓂᒃ ᐊᑐᓐᖏᓐᓂᖅ  ᐋᖓᔮᕐᓇᖅᑐᓂᒃ ᐊᑐᕐᓂᖅ ᒥᑭᑦᑐᒥᒡᓘᓐᓃᑦ ᓄᑕᕋᒃᓴᕐᓄᑦ ᓱᕋᐅᑕᐅᔪᓐᓇᖅᐳᖅ

---

ᓂᕿᑦᑎᐊᕙᖕᓂᒃ ᓂᕿᖃᓂᖅ

ᓯᖓᐃᓕᖅᑐᑦ ᓂᕿᑦᑎᐊᕙᖕᓄᑦ ᓵᑦᑕᕆᐊᑲᖅᐳᑦ. ᓂᕿᑦᑎᐊᕙᖕᓂᒃ ᓂᕿᖃᕈᕕᑦ ᓄᑕᕋᒃᓴᐃᑦ ᐱᕈᖅᐸᓪᓕᐊᑦᑎᐊᕐᓂᐊᖅᑐᖅ ᐊᒻᒪᓗ ᖃᓄᐃᓐᖏᓪᓗᓂ.

ᓂᕿᑦᑎᐊᕙᖕᓂᒃ ᓂᕆᕙᖕᓂᒃ ᐃᒪᓐᓇᐅᔪᓐᓇᖅᐳᖅ:

• ᐃᓄᐃᑦ ᓂᕿᓪᓚᑦᑕᖏᓐᓂᒃ ᖁᕕᐊᒋᓗᒍ ᓂᕆᑦᑕᕆᑦ.
• ᑎᓴᒪᑦ ᑲᓇᑕᐅᑉ ᓂᕿᑦᑎᐊᕙᖕᓄᑦ ᒪᓕᒐᖏᓐᓂᑦ ᓂᕆᑦᑕᕆᑦ ᖃᐅᑕᒪᑦ.
  • ᐱᕈᖅᑐᑦ ᓯᐃᕐᓇᖅᑐᑦ ᐊᒻᒪ ᓯᐃᕐᓇᓐᖏᑦᑐᑦ
  • ᐸᓚᐅᒐᑲᖅᑐᑦ
  • ᐃᒻᒧᑦ ᐊᒻᒪ ᐃᒻᒧᑲᖅᑐᑦ, ᐊᔾᔨᖏᓪᓗ ᓂᕿᑦᑎᐊᕙᐃᑦ
  • ᓂᖀᑦ ᐊᒻᒪ ᓂᕿᑲᖅᑐᑦ,ᐊᔾᔨᖏᓪᓗᓂᕿᑦᑎᐊᕙᐃᑦ
  • ᓄᓇᒥᑦ, ᑕᕆᐅᕐᒥᑦ ᓂᒡᔪᑏᑦ
• ᓂᕿᓂᒃ ᐃᒥᒐᕐᓂᒃ, ᓯᐅᕋᐅᔭᖅᑐᑲᖅᑐᓂᒃ, ᐅᖅᓱᑲᖅᑐᓂᒃ, ᑕᕆᐅᑲᖅᑐᓂᒃ ᐱᓗᐊᓐᖏᓐᓗᑎᑦ. ᐅᑯᐊ ᐸᑎᑐ ᓯᒃᔅ, ᐃᒥᒐᐃᑦ ᖃᓚᖅᑐᑦ, ᓄᖑᓴᖓᐃᑦ ᐊᒻᒪ ᑯᑯᐃᑦ.
• ᐅᓪᓗᖅ ᐊᑕᐅᓯᖅ 8 ᓂᒃ ᐃᕐᖑᓯᖕᓂᒃ ᐃᒥᕐᒥᒃ ᐃᒥᕆᑦ.

ᓄᑕᕋᒃᓴᑲᖅᑐᑦ ᐊᒻᒪ ᐊᒪᒪᒃᑎᑦᑎᔪᑦ ᓂᕆᖓᔪᖕᓂᖅᓴᐅᔭᕆᐊᑲᖅᐳᑦ ᐊᒻᒪ ᐊᖏᓂᖅᓴᒥᒃ ᓂᕆᕙᒃᑕᒥᖕᓂᒃ ᓂᕆᓗᑎᒃ. ᓂᕆᒍᑎᒃ ᑲᓇᑕᐅᑉ ᒪᓕᖓᖏᓐᓂᑦ ᑎᓴᒪᓂᑦ ᓂᕿᑦᑎᐊᕙᖕᓂᒃ ᒪᕐᕈᐃᓂᒃ ᐅᕝᕙᓘᓐᓃᑦ ᐱᖓᓱᓂᒃ ᓂᕆᕙᒃᑯᑎᒃ ᐊᑲᐅᕗᖅ. ᑎᓴᒪᑦ ᒪᓕᖓᐅᔪᑦ ᑕᒪᒃᑭᕐᕕᒋᒋᐊᕈᓂᔾᔪᒃ ᖃᐅᑕᒪᑦ ᐱᐅᕗᖅ.

ᐊᕐᓇᑦ ᑕᒪᕐᒥᒃ ᓯᖓᐃᓕᖅᑐᑦ, ᓄᑕᕋᒃᓴᑲᖅᑐᑦ ᐊᒻᒪ ᐊᒪᒪᒃᑎᑦᑎᔪᑦ ᖃᐅᑕᒪᖅᓯᐅᑎᓂᒃ ᐄᔭᖓᓂᒃ ᐊᐅᖃᑦᑎᐊᕐᓇᖅᑐᓂᒃ ᐄᓯᔭᕆᐊᑲᖅᐳᑦ.

ᓂᕿᑦᑎᐊᕙᖕᓂᒃ ᓂᕆᕙᖕᓂᒃ ᑐᑭᓯᒋᐊᑲᓐᓂᕈᓐᓇᖅᐸᐃᑦ ᐋᓐᓂᐊᓯᐅᑎᒧᑦ ᐅᖃᓪᓚᒡᓗᑎᑦ.

ᓄᖅᑲᖓᑐᐃᓐᓇᓐᖏᓐᓂᖅ!

ᓄᑕᕋᒃᓴᑲᖅᑐᑦ ᓄᖅᑲᖓᑐᐃᓐᓇᓐᖏᑦᑐᑦ ᐃᒪᓐᓇ ᐃᑲᔪᖅᐳᑦ ᑎᒥᒥᖕᓂᒃ ᓄᑕᕋᒥᖕᓂᒡᓗ:

• ᑕᖃᓴᕋᐃᓐᖏᓐᓂᖅᓴᑦ, ᐊᓇᕈᓐᓇᖅᐳᖅ ᐊᒻᒪ ᑐᓄᓱᖏᑦ ᐃᒃᐱᖕᓇᓗᐊᓐᖏᓐᓂᖅᓴᑦ.
• ᐃᓱᒪᖏᑦ ᐋᖅᑭᐅᒪᓂᖅᓴᑦ.
• ᓴᐃᓕᔪᓐᓇᕐᓂᖅᓴᖅ ᐊᒻᒪᓗ ᓯᓂᑦᑎᐊᕈᓐᓇᕐᓂᖅᓴᖅ.
• ᓯᖓᐃᔪᑦ ᑎᒥᖏᑦ ᓯᐅᕋᐅᔭᖅᑐᖃᓗᐊᓕᓱᑦ ᓱᑲᑲᓗᐊᓕᔪᑦ ᓄᖅᑲᖓᑎᑕᖏᑦ.
• ᓯᖓᐃᓗᑎᑦ ᐅᖁᒪᐃᓕᓗᐊᔾᔭᐊᓐᖏᑉᐳᑎᑦ.
• ᐃᖕᓂᓱᓕᕈᕕᑦ ᓴᓐᖏᓂᖅᓴᐅᓂᐊᖅᐳᑎᑦ.

ᐅᑯᐊ ᓯᖓᐃᓗᑎᑦ ᐊᐅᓚᖃᑕᕐᓂᖕᒧᑦ ᐊᑐᕈᓐᓇᖅᑕᑎᑦ:

• ᐅᓪᓛᒃᑯᑦ ᐊᓂᔮᖅᑕᕆᑦ.
• 5-ᒥᓂᒥᒃ ᐱᒋᐊᕈᑎᖃᓪᓗᑎᑦ ᐊᐅᓚᖃᑕᕐᓂᖕᒧᑦ, ᖃᐅᑕᒪᑦ ᐊᑯᓂᐅᓂᖅᓴᐅᕙᓪᓕᐊᖑᕕᑦ 30- ᒥᓂᒥᒃ ᑎᑭᓪᓗᒍ, ᐅᖓᑖᓄᓪᓘᓐᓃᑦ ᖃᐅᑕᒪᑦ ᐊᐅᓚᖏᑦ.
• ᐱᖃᑎᖃᓪᓗᑎᑦ ᐊᐅᓚᑲᑕᖏᑦ, ᐃᓄᑑᓇᓂ ᖁᕕᐊᓇᕐᓂᖅᓴᖅ.
• ᑕᖃᓴᓗᐊᓐᖏᓪᓗᑎᑦ, ᐊᐅᓚᓗᑎᑦ ᐅᖃᓪᓚᖑᓐᓇᕈᕕᑦ ᐊᒃᓱᕈᓗᐊᓐᖏᕐᐳᑎᑦ. ᐅᖃᓪᓚᖑᓐᓇᓐᖏᒃᑯᕕᑦ ᑲᑦᑐᕆᐊᕆᑦ.
• ᐊᐅᓚᒋᐊᓚᐅᓐᖏᓐᓂᕐᓂ ᐃᒥᕆᑦ ᐃᒥᕐᒥᒃ ᐊᒻᒪᓗ ᓄᖅᑲᕈᕕᑦ.

ᐊᐅᓚᑲᑕᕐᓂᐅᑉ ᒥᒃᓵᓂᒃ ᑐᑭᓯᒋᐊᑲᓐᓂᕈᓐᓇᖅᐳᑎᑦ ᐋᓐᓂᐊᓯᐅᑎᒧᑦ ᐅᖃᓪᓚᒡᓗᑎᑦ.

ᐊᐅᓚᖃᑕᖃᑦᑕᕐᓂᖅ ᓄᖅᑲᖓᑐᐃᓐᓇᓐᖏᓐᓂᖅ ᐃᓱᒪᒧᑦ ᐊᑲᐅᕗᖅ ᐊᒻᒪᓗ ᑎᒥᒧᑦ ᑕᖃᓴᕋᐃᓐᓇᓐᖏᓐᓂᖅᓴᖅ.

ᐊᕐᓇᑦ ᑕᒪᕐᒥᑲᓴᒃ ᐱᓱᒍᓐᓇᖅᐳᑦ, ᒧᒥᕈᓐᓇᖅᐳᑦ, ᐱᓱᔪᒍᓐᓇᖅᐳᑦ, ᐊᐅᓪᓛᖃᑕᐅᔪᓐᓇᖅᐳᑦ ᐊᒻᒪ ᓄᓂᕙᒍᓐᓇᖅᐳᑦ ᓯᖓᐃᔪᑦ. ᓄᖅᑲᖓᑐᐃᓐᓇᖅᐸᒃᑐᑐᖃᐅᒍᕕᑦ, ᐊᐅᓚᔾᔭᒋᐊᕈᒪᓕᕈᕕᑦ ᐋᓐᓂᐊᓯᐅᖅᑎᒧᑦ ᐅᖃᓪᓚᖏᑦ, ᑐᑭᓯᒋᐊᕆᑦ.

ᓂᕆᑦᑎᐊᖅᐸᒡᓗᓯ ᐊᒻᒪ ᓄᖅᑲ ᖕᒐᑐᐃᙱᓪᓗᓯ  ᓯᖓᐃᓂᖅ ᐅᔾᔨᑦᑎᐊᕆᐊᖃᐃᓐᓇᖅᐳᖅ, ᓂᕿᑦᑎᐊᕙᓂᒃ ᓂᕆᓂᖕᓄᑦ ᐊᒻᒪᓗ ᐆᒻᒪᕆᒃᓴᕐᓂᖕᓄᑦ.

---

ᓯᖓᐃᖑᕕᑦ ᐋᓐᓂᐊᓯᐅᑦᑎᒥᒃ ᑕᖁᓵᓕᒋᐊᑲᖅᐳᑎᑦ.

ᓯᖓᐃᔪᑦ ᐃᓅᑦᑎᐊᕐᓂᖏᓐᓄᑦ ᖃᐅᔨᒋᐊᒃᑲᓐᓂᕆᑦ:

ᐊᓐᓂᐊᓯᐅᖅᑎᒥᒃ ᑕᖁᒋᐊᕆᑦ.
ᐊᑭᑲᓐᖏᑦᑐᒧᑦ ᐅᖃᓗᖏᑦ: 1 800 O Canada (1 800 622-6232)

TTY: 1 800 926-9105

ᖃᕆᑕᐅᔭᒃᑯᑦ: grossesseensante.gc.ca